اسلوب طلب زيادة الراتب من مديرك

وحدة من اكتر التحديات يلي يواجها الموظف خلال مسيرته الكفاحية الوظيفية هي طلب الزيادة في الراتب من المدير لهيك لح احكي شوية نصائح سمعتها من خبراء بمجال الموارد البشرية وتعلمتها ولح اطرحها
يجب أن لا تتصرف وكأنوا الزيادة من حقك الطبيعي حتى لو حسيت أنك تستحقها وانت البطل بهل الشركة لا تطالب فيها على أنها حقك الطبيعي!
– لا تشكي و لا تبكي !
لا تصارح بحكيك للمدير عن سبب حاجتك للزيادة لانو كل الناس عندها مصاريف غير متوقعة و ضربات بهل الحياة مو بس انت وانك تحكيلو عن وحدة منهم مالح يكون مقنع بالنسبة له فكل اهتماماته هو قيمتك بالنسبة للشركة ( يا ابن الشركة انت )
– احكي بأسلوب نضاج مع المدير .. ! احكي بصوت واطي ومهني ولا تكون عصبي مالح تفيدك مع مديرك على نهائياً
– لا تقارن نفسك بغيرك !
لا تقارن نفسك بشخص تاني أو مميز اكتر منك فالكثير من الشركات تعتبر موضوع رواتب الموظفين من الأمور السرية للغاية مابعرف ليش !
وهيك إذا قمت بطلب زيادة مقارنة براتب زميلك لك ساعتها لح توقع بالفخ بالإضافة إلى أن ذلك قد لا يعني شيئ فزميلك ربما يكون مميزاً عنك بامكانياته وخبرته يلي ماعندك ياها
– اختصر الحديث مع مديرك
لا تبالغ كثير بالقصة ولا تطرح أكثر من موضوع في نقاش واحد ولازم يكون اللقاء مختصراً وليس مطول
لهيك تمسك بالبساطة في طرح الموضوع مع المدير لأنك تعرف المدير وهو يعرفك
– لبقى تهدد بالاستقالة ( بتروح في مية غيرك ) !
التهديد بيعطي المدير الانطباع بأنك غير ملتزم مع شركتك، وبالتالي لا تستحق أي زيادة
و تذكر كلنا بشر وعنا مشاكل و ضغوطات متلك تماماً ، فحاول أن تتفهم الجميع على مستوى شخصي وعائلي وتضع ذلك في الاعتبار عند تعاملك معهم
– اختار الوقت المناسب
وقت المقابلة مع المدير لتطلب الزيادة اختار الوقت المناسب يلي تحكي فيه مع المدير مو أن تكون الشركة عم تواجه بعض المشاكل المادية وتطلب منه زيادة في الراتب فطبيعي ان يرفض المدير طلبك هي اذا ماقلعك
– اذا نرفض طلبك لا تعادي المدير !
لازم الموظف بعد تقديم طلب الزيادة أن يتعامل مع المدير نفس المعاملة المنيحة قبل طلب الزيادة سواء تم الرفض أو القبول ولا يجب أن يهدد المدير بالانسحاب من العمل
تمنياتي لكم بالنجاح والتوفيق و الزيادات الكثيرة