من اجمل ما يهتم به ايا موظف على رأس عمله هو سماعه لكلمات وقصص تحفزه على التطور وحل المشكلات لزيادة تقييمه من قبل رئيس قسمه او حتى صاحب العمل ولاكن الوضع مختلف تماما في هذا المقال , سوف أقوم بعرض بعض القصص القصيرة جدا لعدد من الحالات لبعض الموظفين و كيف كان رد رؤساء العمل و الاقسام عليهم
محاسب يسأل رئيس قسمه المالي ماهو النجاح ؟ الجواب كان : كل ماكانت الخطة المالية صح لح تكون النتائج المالية صح
موظف داتا انتري يسأل مسؤول الموارد البشرية , متى سوق اترقى ؟ الجواب : من طال وقوفه في الشمس طال وقوفه في الظل
شخص يطالب مديره في زيادة الراتب وكان الجواب ! الطفل لا ترضعه أمه حتى يبكي !!
احد الموظفين يقول , نصحني مديري وقال : لا تشتغل شغلة مو شغلتك بكرا لح يجي يوم وتصير مسؤوليتك و تشتغلا ببلاش !
رئيس قسم طالب صاحب العمل بزيادة راتب , الرد كان ! نحنا عم نخسر بس فاتحين الشركة من شانكم !
موظف تسويق عم يسأل رئيس قسمه كيف بدي أتطور ؟ الجواب : أصنع من نفسك شخص غبي امام مدير قسمك و أسرق منه كل الخبرات لانو لح يجي يوم تكون بمحله !
شخص قبل تقديم استقالته ببضع دقائق قال لمديره : الإدارة تكليف وليست تشريف , واذا أطعمت فأشبع
شخص يقدم استقالته وقام بطلبه المدير العام وكان الرد على طلب الاستقالة : يا ابني مالح تعرف قيمة والدتك الا بحالتين لما تفقدها أو لما تسكن مع مرت أبوك
موظف تسويق يناقش بأحد مهامه وكان رد مسؤول القسم : يا اخي اربط الحمار محل مابقلك صاحبو !
لا تبعت أيميلك لحدا بدون تنين شهود ! نصيحة مدير ال IT
مدير مالي يقدم نصيحة لموظفيه : اليوم يلي ما بكون عندك فيه شغل , حاول انك تخلق شغل كرمال تحلل راتبك مو أكتر
مدير تسويق عم يمازح موظفينه : ولله عم خاف يوما ما تصيرو مطرحي وانا صير برا !!
مدير عام يوجه رسالة جماعية لكادر التوظيف : والله ياشباب لو دامت لغيركم ماكانت وصلت لعندكم !!
مدير مبيعات بنقاش مع صاحب العمل : السفينة يلي مافيها شي لله بتغرق , و النتيجة تم فصل مدير المبيعات
موظف يطلب نصيحة من مديره العام , كيف اكون مكانك ؟ : لحتى تكون مكاني لازم تكون دارس طب نفسي , كرمال تعرف تتعامل مع اشكالك المريضة وغيرها !!
مدير قسم التسويق يسأل موظفة لديه , شو هدفك من الشغل عنا ؟ الجواب : هدفي إني كون مكانك حالياً
والاحاديث تطول و القصص كثيرة ولكن قله قليلة من الاشخاص اصحاب الردود الايجابية ولكن يوما ما سوف نسأل عن هذه الكوادر التي يوم بعد يوم تتحول الى الات للعمل فقط دون تطور دون اهداف و دون مادة !