مديري العام رفض تعييني بمنصب مدير قسم معين بالشركة ! وكان السبب مزعج لعدم امتلاكي قدرة او خاصية #الذكاء_العاطفي بعد فترة منيحة حبيت ادرسها واعرف شو هيي بنت الذين يلي خلتني بعيد عن منصب اهم قسم بالشركة ؟ الذكاء العاطفي بإختصار هو :قدرة الشخص على التحكم و إدارة مشاعره ومشاعر الاخرين و بيتضمن جوانب كتيرة واغلبها تتعلق بالذات الشخصية (ذاتك – نفسيتك – مكانتك الاجتماعية)ومن جوانبها الوعي : قدرة الشخص على تقييم مشاعره و ثقة النفس #تنظيم_الذات :وهيي قدرتك على التحكم بعواطفك و خاصة السلبية كالغضب و الخوف من خلال اتباعك لبعض الاساليب يلي ممكن انها تريحك وتعطيك طاقة ايجابية كالرياضة او اليوغا تحفيز الذات :على الشخص تحفيز ذاته على تحقيق الاهداف يلي راسمها بقلبه وبعقله ويبقى بشكل دائم ايجابي رغم كلشي سلبيات لح يتعرض لها من المجتمع او حتى فريقه او ادارته بشكل عام (خلي الضحكة بوشك) التعاطف :بمعنى اقرب للواقع هيي انو نقدر نحدد مشاعر او نفسية الشخص يلي معنا و نحاول نلبي حاجاته (الجوع – الحب – الكسل – الفشل – العصبية – سبب نفسي – حزن) واخيرا هيي قدرت الشخص على انو يكون اجتماعي وهاد اهم بند حتى بعلم #التسويق او المبيعات , بتكبر المبيعات وقت بكون عنا علاقات اجتماعية و شعبية حلوة لو كنت موظف بسيطبمعنى اخر (خليك على تواصل حتى مع جيرانك بالبيت و الشغل وتعرف على ايا حدا ممكن ترتحلو نفسياً ) كيف لح نعرف اذا الشخص يلي معنا او مديرنا بيتمتع بهي الميزة يلي كتير مطلوبة ؟- الشخص يلي لح نقابله لح يكون قلبو ابيض ونضيف و مابيقبل بالغلط – وبنفس الوقت شخص متواضع وبيقبل النقد و بيعطي تقييم صحيح – وبكون دائما عم يسعى على تطوير نفسه ومهاراته و بيتحمل مسؤولية وما بيتهرب من حدا – وعندو نظرة بكلشي وبشغلو بكون حدا كتير مركز وغير هيك محترم ( لله يبعد عنا المدراء الغير محترمين )طيب شو لح يفيدنا هاد الذكاء العاطفي ؟؟الذكاء العاطفي شرط اساسي لتكون شخص صاحب حكمة لادارة ايا فريق او اشخاص و لا تتعامل معهم على اسس شخصية وانك تفهم الاخرين و مشاعرهم ومشاكلهم شي بريحك من كتير مشاكل لح تمر فيها وتاني شي نفسيتك و جسدك كونك موظف او حتى مدير لح تكون جداً مرتاحة بس تعرف كيف تسيطر على مشاعرك ولسانك كمان وحتى تفكيرك باتجاه الاخرين ولح تكون قادر على حل اكبر مشكلة بكلمتين حلوين ولح تحمي حالك من الامراض يلي لح تصيبك على الكبر واهم من هيك العلاقات يلي لح تكسبها بسبب الحكمة و الذكاء يلي لح تستخدمه و المحبة الاجتماعية يلي لح تربحها بمكان عملك او حتى سكنك ..
