جمهور التسويق .. كتاب المحتوى شوية نصائح و بالعامية – وبما انو سوق اللهجة العامية صاير كتير بالاعلانات وأساليب التسويق ومرق معنا بهل الفترة بسورية كمان فحابب خبركم شوية نصائح بشكل سريع عن البوست الاعلاني نصائح لازم تعملها لتحصل على محتوى جذاب وتقدر عن طريقوا تقنع ايا عميل بالشي يلي م تقدمه وينطبق عليك لقب (content creation) البطل اول شي تأكد من العنوان ويكون جذاب وخود اراء فيه تاني شي كتوب المحتوى للجمهور مو الك ولنفسك تالت شي استفاد من توجه جمهورك وأفهم شو بدو يعني دروس السوق رابع شي خطط قبل ما تكتب .. يعني لا تشلف تشليف وتصف حكي خامس شي خلي المحتوى منسق ومضبوط ومايضيع حدا عم يقرأ سادس شي لاتنسى تحط صور وخاصة اذا كان المحتوى عن منتج معين او بضاعه جديدة سابع شي اذا لغتك الاجنبية مو قوية لا تحاول تشرح وتاخد راحتك علاخر وتخبص بلمصطلحات لانو مو دايما مترجم غوغل بيخدمك واوقات بدهورك وبنفس الوقت اذا مالك شاطر بالعربية الفصحى لا تحاول تقدم محتوى نصو فصحى ونصو عام تامن شي لا تنسى الكلمات المفتاحية يعني الكلمات الرئيسية لمنتجك او الشي يلي عم تسوق له وكلشي بخصوا و الهاشتاغات ( موبايلات – عيادات اسنان – اطباء – اوتيل – ذهب- المنيوم – غسالات – برادات )
